Արգամ Աբրահամյանը իր հոր ու աներոջ հարաբերությունների մասին

0

Ազգային ժողովի «Ծառուկյան» խմբակցության պատգամավոր Արգամ Աբրահամյանը հերքում է իր հոր՝ Հովիկ Աբրահամյանի և ԲՀԿ առաջնորդ Գագիկ Ծառուկյանի հարաբերությունները լարվելու մասին լուրերը: Ազգային ժողովում լրագրողների հետ զրույցում Արգամ Աբրահամյանն ընդգծեց, որ դրանք սխալ տեղեկություններ են: «Իհարկե, ոչ: Դրանք սխալ տեղեկություններ են», «Արմենպրես»-ի հաղորդմամբ, նշեց Աբրահամյանը՝ պատասխանելով հարցին, թե Հովիկ Աբրահամյանի և Գագիկ Ծառուկյանի հարաբերությունները լարվելու մասին լուրերն արդյոք համապատասխանո՞ւմ են իրականությանը;

Դիտարկմանը, թե տեղեկություններ կան, որ վերջերս Հովիկ Աբրահամյանը հանդիպում է ունեցել ՀՀ նախկին վարչապետ, Եվրասիական տնտեսական հանձնաժողովի նախագահ Տիգրան Սարգսյանի հետ, Արգամ Աբրահամյանը պատասխանեց, թե տեղյակ չէ, սակայն չբացառեց նաև, որ նման հանդիպում եղել է: «Ես տեղյակ չեմ, բայց հնարավոր է. որ եղել է: Ի՞նչ կա դրանում»,- ասաց պատգամավորը:

Հարցին, թե հնարավո՞ր է, որ Հովիկ Աբրահամյանն առաջիկայում նոր պաշտոն ստանա, Արգամ Աբրահամյանն ասաց տեղյակ չէ, սակայն նշեց, թե դրան խանգարող որևէ հանգամանք չկա:



Загрузка...

Hing.am is Stephen Fry proof thanks to caching by WP Super Cache