Արտակարգ դեպք ԱՄՆ-ում. Երեխան ծնվում է մոր ներարգանդային պարույրը ձեռքի մեջ ամուր պահած (լուսանկար)

0

ԱՄՆ Տեխաս նահանգից Լյուսի Հելեյնը անցյալ տարվա դեկտեմբերին հայտնաբերել էր, որ հղի է, չնայած ներարգանդային պարույր էր տեղադրել դրանից չորս ամիս առաջ, հայտնում է Fox News-ը:
Եվ ահա մոտ երկու շաբաթ առաջ ծնվում է փոքրիկ Դեքստերը, ով դառնում է համառության, ուժի և հաստատակամության իսկական մարմնացում:

Բավական չէ, որ նորածինը լույս աշխարհ է գալիս՝ չնայած գրեթե 100 տոկոսանոց պաշտպանություն ապահովող ներարգանդային պարույրի առկայությանը, դեռ մի բան էլ ձեռքին է պահում այն մոր արգանդից դուրս գալու ժամանակ:

Դեքստերի լուսանկարը՝ հակաբեղմնավորիչ գործիքը բռունցքում ամուր պահած, համացանցի իսկական հիթ է դարձել և արագորեն տարածվել բոլոր սոցցանցերում:
Չնայած որ փոքրիկի ծնունդը ծնողների կողմից նախատեսված չի եղել, նրանք վստահեցնում են, որ անչափ երջանիկ և օրհնված են իրենց զգում, որ տղան այնուամենայնիվ ծնվել է, և որ նա հաստատ կարևոր ու նշանակալից մարդ է դառնալու:



Загрузка...