Ատոմ Էգոյան. այն, ինչ տեղի ունեցավ հուլիս ամսին Երեւանում, ահազանգ էր

0

98753

armtimes.com— «Արդարություն Հայաստանում» նախաձեռնության մասնակից, կանադահայ հայտնի ռեժիսոր Ատոմ Էգոյանը կարծում է, որ Հայաստանում քաղաքացիների իրավունքները ոտնահարվում են: Ըստ նրա՝ դրա վառ ապացույցն են «Սասնա ծռերի» օրերին տեղի ունեցած դեպքերը: Այսօր՝ նոյեմբերի 5-ին, տեսազանգի միջոցով տեղի ունեցած մամուլի ասուլիսի ընթացքում նա նշեց, որ Հայաստանի քաղաքացիները պետք է սովորեն պաշտպանել իրենց իրավունքները:

«Պետք է սովորենք՝ ինչ է դեմոկրատիան, անենք հնարավորը հասկանալու համար, որ Հայաստանում մարդիկ պետք է կրթվեն քվեարկելու, իրենց ձայնին տեր կանգնելու համար: Մենք դրսից պետք է օգտագործենք բոլոր ռեսուրսները դա հնարավոր դարձնելու համար, գյուղերում ապրող մարդիկ պետք է սովորեն իրենց պարտականությունները: Այն, ինչ տեղի ունեցավ այս ամառ, ահազանգ էր, այն, ինչ տեղի ունեցավ Արսինեի հետ (խմբ. նկատի ունի իր կնոջը բերման ենթարկելը), շատերի հետ է եղել: Առաջին անգամ մենք դրսից հասկացանք, որ չենք կարող թույլ տալ, որ սա շարունակվի»,- ասաց նա:

Ատոմ Էգոյանը նշեց, որ «Արդարություն Հայաստանում» նախաձեռնության միջոցով իրենք պետք է ցույց տան Հայաստանի հայերին, որ սփյուռքը նրանց կողքին է:

«Արդարություն Հայաստանում» նախաձեռնությանն իրենց մասնակցություն ունեն նաեւ System of a Down խմբի մենակատար Սերժ Թանկյանը, Ատոմ Էգոյանի կինը՝ կանադահայ դերասանուհի եւ պրոդյուսեր Արսինե Խանջյանը, ամերիկահայ կինոռեժիսոր եւ սցենարիստ Էրիկ Նազարյանը, սփյուռքահայ երգիծաբան եւ արվեստագետ Վահե Բերբերյանը: 2017 թ. խորհրդարանական ընտրությունների ժամանակ նրանք Հայաստան են գալու ընտրություններին հետեւելու համար: Հայաստանից նախաձեռնությանը միացողների թվում է դերասան Հրանտ Թոխատյանը:



Загрузка...

Hing.am is Stephen Fry proof thanks to caching by WP Super Cache