Լրահոս

Հայրը ունի 837 միլիոն, իսկ որդին 421 միլիոն. Սեդրակյանների հարստության բանաձևը

 

arm143538298859

politik.am-ը գրում է.  Մենք շարունակում ենք ներկայացնել իշխանության այս կամ այն ներկայացուցչի կուտակած կարողությունը, որը նա կամ իր ընտանիքի անդամները կուտակել են իր պաշտոնավարման տարիներին: Այս անգամ մեր ուշադրության կենտրոնում է հայտնվել ԱԺ ՀՀԿ-ական պատգամավոր Մհեր Սեդրակյանը և նրա որդին Դավիթ Սեդրակյանը:

Ըստ Բարձրաստիճան պաշտոնատար անձանց էթիկայի հանձնաժողով ներկայացրած հայտարարգրերի Մհեր և Դավիթ Սեդրակյանները ահռելի կարողության տեր են:

Մհեր Սեդրակյանի կարողությունը.

2015 թվականին նրա դրամական միջոցները կազմել են 500 միլիոն դրամ

2015 թվականին նրա եկամուտները կազմել են 337 միլիոն 582 հազար 800 դրամ

Ի դեպ ըստ հայտարարգրի Մհեր Սեդրակյանը ստացել է 4 միլիոն դրամից մի փոքր ավելի աշխատավարձ:

Դավիթ Սեդրակյանի կարողությունը.

2015 թվականին նրա կարողությունը կազմել է 412 միլիոն դրամ:

Դավիթ Սեդրակյանի նախորդ տարիների հայտարարգերից էլ տեղեկանում ենք, որ նա 2012 թվականին 190 միլիոն 993 հազար 500 դրամով հողամաս է գնել, իսկ 13.7 միլիոնով՝ հողին ամրակայված այլ անշարժ գույք:

2013 թվականին նա 9 միլիոն դրամով ձեռք է բերել հողամաս, իսկ 244 հազար 500 դրամով՝ հասարակական նշանակության շինություն: Նույն տարում նա երկու հողամաս էլ վաճառել է, որոնց օտարման արդյունքում ստացել է 46.6 միլիոն եւ 9 միլիոն 48 հազար դրամ: Գույքի օտարումից նա ընդհանուր առմամբ ստացել է 18.2 միլիոն դրամ եկամուտ:

Իսկ 2014 թվականին Դավիթ Սեդրակյանն ավելի մեծ թվով անշարժ գույք է ձեռք բերել: Նա 9 հատ հողամաս է գնել, որոնք արժեցել են 2.55 միլիոն դրա, 3 միլիոն դրամ, 2 միլիոն դրամ, 13.2 միլիոն դրամ, 2 միլիոն 40 հազար դրամ, 39.3 միլիոն դրամ, 8.8 միլիոն դրամ, 2.2 միլիոն դրամ եւ 11.4 միլիոն դրամ: Բացի այս նա 450 հազար դրամով եւ 33 միլիոն դրամով երկու հատ արտադրական նշանակության շինություն է գնել, իսկ 360 հազար դրամով, 250 հազար դրամով եւ 18 միլիոն 595 հազար դրամով 3 հատ հասարակական նշանակության շինություն է գնել:

Հասկանալու համար, թե որտեղից կարող էր Մհեր Սեդրակյանը այսքան կարողություն կուտակել և ապահովել իր որդու հարուստ ապագան` եկեք տեսնենք, թե ինչով է նա զբաղվել, մինչ պետական պաշտոն զբաղեցնելը:

1973թ. ավարտել է Տնտեսական գիտելիքների երկամյա հասարակական համալսարանի ընդհանուր տնտեսագիտական ֆակուլտետը, 1975թ.` Ֆիզիկական կուլտուրայի հայկական պետական ինստիտուտը, 1997թ.` «Վարդանանց» համալսարանը: Ըմբշամարտի մարզիչ: Ֆիզիկական դաստիարակության դասատու: Իրավաբան:

1975-1981, 1986-1988թթ. աշխատել է Երեւանի մոդելային կոշիկի ֆաբրիկայում,  1981-1983թթ.` «Մասիս» արտադրական միավորման մոդելային կոշիկի ֆաբրիկայում: 1988-1989թթ. Երեւանի հրուշակեղենի-մակարոնի կոմբինատում եղել է գլխավոր մասնագետ: 1989-1995թթ. աշխատել  է «Դավիթ-84» կոոպերատիվում:

1999թ. ընտրվել,  2002 եւ 2005թթ. վերընտրվել է Երեւանի Էրեբունի համայնքի ղեկավար:

1995-1999թթ.` Աժ պատգամավոր (թիվ 15 ընտրատարածք): Աժ պաշտպանության, ազգային անվտանգության եւ ներքին գործերի մշտական հանձնաժողովի անդամ: ԱԺ «Բարեփոխումներ» պատգամավորական խմբի անդամ: Անկուսակցական:

2012թ. մայիսի 6-ին  ԱԺ պատգամավոր է ընտրվել թիվ 13 ընտրատարածքից:

Միացեք մեր ֆեյսբուքյան էջին և հետևեք ամենաուշագրավ նյութերին


Կիսվիր ընկերներիդ հետ

Կայքում տեղ գտած մտքերն ու տեսակետները հեղինակի սեփականությունն են և ոչ միշտ են համընկնում ՀԻՆԳ.am-ի խմբագրության տեսակետների հետ:

loading...

Հրապարակող՝

armhing

armhing