«ՀՐԱՊԱՐԱԿ»․ ԴԵԶԵՐՏԻՐՆԵՐ ՉՊԵՏՔ Է ԼԻՆԵՆ

2

hraparak.am — Նախորդ օրը ՀՀԿ ֆրակցիայի նիստին ներկա են եղել գրեթե բոլոր պատգամավորները, բացի շարժմանը միացած «Գրանդ քենդիի» ներկայացուցչից ու Սեյրան Սարոյանից, որն ԱՄՆ-ում է, սակայն մոտ օրերս պատրաստվում է վերադառնալ: Ինչպես միշտ, ներկա չի եղել նաեւ «Տաշիրի» Կարեն Կարապետյանը:

Նիստի մասին պատմող ՀՀԿ-ականները զմայլված էին Սերժ Սարգսյանով։ «Այդքան մարդկային, այդքան էմոցիոնալ մենք նրան չէինք տեսել. ամեն բառը կշռադատված ու ապրված էր։ Շատ հուզիչ էր, մենք իրեն իսկապես սիրում ենք»,- ասաց մեր զրուցակիցը:

Սերժ Սարգսյանը հիմնականում խոսել է ՀՀԿ-ի միասնականության մասին, ասել, որ ունեն այնքան ձայն, որ առանց որեւէ մեկի աջակցության կարող են ընտրել իրենց թեկնածուին` Կարեն Կարապետյանին, որին էլ ինքը հանձնում է ՀՀԿ-ի ղեկավարումը, «որպեսզի չասեն` ես ստվերային ձեւով կառավարում եմ ՀՀԿ-ն։ ՀՀԿ լիդերն այլեւս Կարեն Կարապետյանն է, եւ բոլորդ մեկ մարդու պես պետք է համախմբվեք իր շուրջ. դեզերտիրներ չպիտի լինեն»:

Իսկ ինչպե՞ս է տեղի ունենալու ՀՀԿ ղեկավարության անցումը Կարեն Կարապետյանին՝ համագումա՞ր եք անելու: «Կարծում եմ` ոչ. ՀՀԿ ղեկավարի լիազորությունները, ըստ կանոնակարգի, մեխանիկորեն անցնում են առաջին տեղակալին, կարծում ենք՝ խորհրդի նիստ կանենք, այդ մասին կխոսենք»:




Загрузка...

Hing.am is Stephen Fry proof thanks to caching by WP Super Cache