Լրահոս

Կարեն Կարապետյանի կարեւոր ձեռքբերումը

 

Կիրակի՝ օգոստոսի 13-ին, Հայ Առաքելական եկեղեցու հինգ տաղավար տոներից մեկն է՝ Սուրբ Աստվածածնի Վերափոխման տոնը, կամ Խաղողօրհնեքը։ Դրան հաջորդող մեռելոցը՝ երկուշաբթի, աշխատանքային օր է:
Նախորդ Տաղավար տոնի՝ Վարդավառին հաջորդող մեռելոցը եւս Կարեն Կարապետյանը ոչ աշխատանքային օր չդարձրեց։
Մեռելոց-ոչ աշխատանքային օրերի պրակտիկան մտցրեց Տիգրան Սարգսյանը: Հովիկ Աբրահամյանն այն դարձրեց «մեկումեջ»: Կարեն Կարապետյանն արդեն երկու անգամ անընդմեջ ոչ աշխատանքային օր չի սահմանում: Արդյոք այս հարցում նա հետեւողական կլինի եւ վերջնականապես կվերացնի այդ պրակտիկան:
Ոչ աշխատանքային մեռելոցների վերաբերյալ տարբեր տեսակետներ կան, հանրային ակտիվ շերտերը դեմ են դրան, համարելով, որ դա խախտում է աշխատանքային բնականոն ռիթմը:
Բացի այդ, խնդիր է համարվում հանրային-պետական կյանքում եկեղեցու չափից ավելի ներկայությունը եւ մասնակցությունը: Շատերը գտնում են, որ եկեղեցու դերի մեծացումն ուղիղ համեմատական է պետականության թուլացմանը, եւ դրանում կա թե պատմական, թե քաղաքական ճշմարտություն ու փորձ:
Ի վերջո, զարգացած երկրների հաջողության գրավականներից մեկն էլ եղել է եկեղեցին պետությունից «անջատելը»: Դա բարեփոխումների պայմաններից մեկն է:
Կարեն Կարապետյանը հռչակել է բարեփոխումներ, սակայն արդյունքներ խոշոր հաշվով չկան, եւ առայժմ տեսանելի չէ, թե ինչ հիմքեր են ստեղծվում այդ բարեփոխումների համար, չի երեւում նաեւ տեսլականը՝ հստակ ու համակարգված:
Այս պայմաններում, նա կարող է անել գոնե նվազագույնը՝ ոչ աշխատանքային մեռելոցների պրակտիկան վերացնելով՝ եկեղեցին մի քիչ անջատել պետությունից: Դա կլինի բարեփոխումների ուղղությամբ փոքր, բայց կարեւոր քայլ:


Կիսվիր ընկերներիդ հետ


Загрузка...

Հեղինակի մասին

armhing

armhing