Լրահոս

ԼՂ հակամարտությունը սառեցված չէ. Նովրուզ Մամեդով

 

lx hakam

1in.am -ը գրում է. Ադրբեջանական Trend լրատվական գործակալության փոխանցմամբ՝ Ադրբեջանի նախագահի աշխատակազմի ղեկավարի տեղակալ, արտաքին կապերի բաժնի պետ Նովրուզ Մամեդովը ANS հեռուստաալիքին տված հարցազրույցում հայտարարել է, որ Ղարաբաղյան հակամարտությունը վաղ թե ուշ պետք է կարգավորվի, ընդ որում՝ խաղաղ ու բանակցային ճանապարհով:

Մամեդովի խոսքով՝ շփման գծում ապրիլյան վերջին իրադարձությունները հերթական անգամ գրավեցին միջազգային հանրության, ԵԱՀԿ Մինսկի խմբի համանախագահող երկրների, ինչպես նաև տարածաշրջանային ու միջազգային մի շարք կազմակերպությունների ուշադրությունը և ցույց տվեցին, որ դա սառեցված հակամարտություն չէ:

«Միևնույն ժամանակ ԱՄՆ-ում, Եվրոպայում, ինչպես նաև Ռուսաստանում կարծիք է ձևավորվել, որ անհրաժեշտ է ուշադիր լինել տվյալ հակամարտության հանդեպ, եկել է դրա լուծմանը հասնելու ժամանակը»,- ասել է Մամեդովը:

Մեկնաբանելով մայիսի 16-ին Վիեննայում անցկացված Հայաստանի ու Ադրբեջանի նախագահների հանդիպումը՝ Մամեդովը հայտարարել է. «Ադրբեջանը ցանկանում է միջազգային իրավունքի նորմերի շրջանակներում հակամարտության արդար կարգավորում: Այդ պատճառով էլ մենք նախապատվություն ենք տալիս բանակցություններին ու խաղաղ կարգավորմանը»:

Մեկնաբանելով Վիեննայի հանդիպումից հետո ԵԱՀԿ գործող նախագահի անձնական ներկայացուցչի լիազորությունների ընդլայնման հարցը՝ Մամեդովը հայտարարել է, որ Ադրբեջանն այդ կապակցությամբ հայտնել է իր պաշտոնական դիրքորոշումը. «Այստեղ հիմնական գաղափարը հրադադարի ռեժիմի ամրապնդումն է: Դրա հետ կապված՝ եղել են մի շարք առաջարկներ, որոնցից մեկը մոնիթորինգի անցկացման համար ԵԱՀԿ ներկայացուցչի մանդատի ընդլայնումն է:

Մենք ասացինք, որ ընդունում ենք համանախագահող երկրների այդ առաջարկները և դեմ չենք այդ առաջարկներին»:

Մամեդովը հավելել է, որ ԵԱՀԿ գործող նախագահի անձնական ներկայացուցիչը մինչ այս էլ ունեցել է դիտարկում անցկացնելու հնարավորություն. «Եթե անհրաժեշտ է անցկացնել դիտարկում՝ թող լինի, մենք չենք առարկում, եթե կա որոշակի ընդլայնման հնարավորություն՝ թող ընդլայնվեն (լիազորությունները)»:

Հիշեցնենք, որ նախորդ շաբաթ՝ Վիեննայի հանդիպումից հետո, մեկնաբանելով ԵԱՀԿ գործող նախագահի անձնական ներկայացուցիչ Անջեյ Կասպրշիկի լիազորությունների ընդլայնման մասին համանախագահների հայտարարությունը՝ Մամեդովը հայտարարել էր. «Անջեյ Կասպրշիկի լիազորությունների հարցում չեն կարող լինել էական փոփոխություններ: Այնտեղ նշվածը Մինսկի խմբի դիրքորոշումն է, մենք այդ կապակցությամբ պարտավորություններ չենք ստանձնել»:



Загрузка...

Հեղինակի մասին

armhing

armhing