Լրահոս

Պաշշար Ասատ. Հալէպը պիտի դառնայ Էրտողանի քաղաքականութեան գերեզմանը

 

62228db

arevelk.am-ը գրում է.Սուրիոյ  նախագահ  Պաշշար Ասատ  այսօր ելոյթ մը ունեցած է  երկրի   խորհրդարանին առջեւ: Ասատ իր խօսքով ըսած է, որ սուրիացի ժողովուրդը       անցնող   ապրիլին   տեղի ունեցած   խորհրդարանական ընտրութիւններուն իր  հոծ  մասնակցութեամբ կարեւոր պատգամ մը յղեց աշխարհին ըսելով,  որ  տէրն է իր երկրին եւ  անկախութեան: Ասատ նաեւ դիտել  տուաւ,  որ Սուրիոյ ապահովութեան   միակ  եւ հիմնական  երաշխիքը  երկրի բանակն է: Սուրիոյ նախագահը  նաեւ ըսաւ, որ  իրենք  կտրականապէս կը մերժեն  Սուրիոյ ներկայ  սահմանադրութիւնը քննարկման որեւէ առաջարկ,  հաւաստելով, որ   ներկայ  սահմանադրութիւնն իրենց համար անփոխարինելի է, եւ այդ սահմանադրութիւնն է, որ կրնայ պահպանել Սուրիոյ միասնականութիւնը: Ասատ քննադատեց Թուրքիոյ՝ Սուրիոյ հանդէպ որդեգրած քաղաքականութիւնը, ըսելով, որ Թուրքիոյ նախագահ  Էրտողանի՝ Սուրիան մասնատելու բոլոր ծրագիրները ձախողած են, նշելով նաեւ, որ Էրտողան կը փորձէր  Սուրիոյ մէջ առաջ  տանիլ   իսլամիստական  իր   ծրագիրները  (Ասատ  Էրտողանի քաղաքականութիւնը անուանեց իխուանեան (Իսլամ եղբայրներ)  քաղաքականութիւն–խմբ.):   Անդրադառնալով վերջին  շրջանին երկրին մէջ  մղուող պատերազմական  ընդհանուր դրութեան՝ ան նշեց, որ Հալէպ, հակառակ   բոլոր   սադրանքներուն, պիտի  մնայ  անդրդուելի  եւ  պիտի  դառնայ Էրտողանի քաղաքական յոյսերուն եւ  ծրագիրներուն գերեզմանը, նշելով նաեւ, որ Էրտողանի   իրական   պատկերը այսօր մերկացած է ամբողջ աշխարհին  առջեւ:  Սուրիոյ նախագահը  նաեւ կոչ ուղղեց բոլոր զինեալներուն՝ յանձնելու իրենց զէնքերը  եւ  ընդգրկուելու   հաշտեցման     գործընթացներուն: Նշենք, որ  նախագահ Պաշշար Ասատ առաջին անգամն է, որ  խօսք կ’առնէր  Սուրիոյ   նորընտիր խորհրդարանին  առջեւ:

Միացեք մեր ֆեյսբուքյան էջին և հետևեք ամենաուշագրավ նյութերին


Կիսվիր ընկերներիդ հետ

Կայքում տեղ գտած մտքերն ու տեսակետները հեղինակի սեփականությունն են և ոչ միշտ են համընկնում ՀԻՆԳ.am-ի խմբագրության տեսակետների հետ:
loading...