Փաշինյանի կառավարության առաջին հարվածը Կարապետյանին. նա այլևս ազդեցիկ չէ

446

politik.am — Կառավարության և «Տաշիր» ընկերության միջև Բարձրավոլտ էլեկտրական ցանցերի վերաբերյալ կնքված պայմանագիրը չեղարկվել է, այսօր ԱԺ-ում լրագրողների հետ ճեպազրույցում տեղեկացրեց Էներգետիկայի և բնական պաշարների նախարար Արթուր Գրիգորյանը։

«Բարձրավոլտ էլեկտրական ցանցերը պետք է 25 տարով հավատարմագրային կառավարման հանձնվեր «Տաշիր գրուպ»-ին, բայց այս պահին դադարեցվել է պայմանագիրը, և այն մնալու է որպես պետական հիմնարկություն: Պայմանագրում նշված կետեր կային, որոնք ուղղակի ձեռնտու չէին պետությանը», — հայտարարել է նախարարը։

Փաստորեն սա առաջին լուրջ պատասխանն էր «Տաշիր» ընկերության սեփականատեր Սամվել Կարապետյանին: Նախկին իշխանությունների ղեկավարման ընթացքում Կարապետյանը իր ձեռքի տակ էր վեցրնում ռազմավարական նշանակություն ունեցող ձեռնարկություններ: Այս կերպ Կարապետյանը մեծացնում էր երկրում իր ազդեցությունը և իր միջոցով Ռուսաստանի ազդեցությունը: Վերջին տարիներին բանը հասել էր նրան, որ Սամվել Կարապետյանը ամենավճռորոշ դերակատարումն էր ստանձնել ներքաղաքական կյանքում: Նա ինչ որ իմաստով դարձել էր Հայաստանի կուլիսային ղեկավարներից մեկը:

Փաշինյանի կառավարությունը վերջակետ է դնում այս իրավիճակին ու հստակ հասկացնում Կարապետյանին, որ կուլիսային ղեկավարման տարիներն անցել են ու նա այլևս չունի նախկին ազդեցությունը Հայաստանում:



Загрузка...