Լրահոս

Սահմանային դիրքերը պատրաստ են զիջելու, որպեսզի պահեն իրենց ներքին դիրքերը

 

aleq-320x228

 galatv.am-ը գրում է. ԱՍԱԼԱ-ի մարտիկ, «Նոր Հայաստան» շարժման մասնակից Ալեք Ենիգոմշյանը, պատասխանելով ԳԱԼԱ-ի հարցին, թե Սերժ Սարգսյանն ինչքանով էր անկեղծ իր այն խոսքերում, թե ապրիլյան պատերազմի արդյունքում կորցրած այդ 800 հեկտար տարածքը հետ չի բերվել միայն կյանքեր խնայելու համար, և ուրիշ ինչ պատճառներ կարող են լինել, որոնք թույլ չեն տվել իշխանություններին գնալ այդ քայլին, նշեց առնվազն 2 պատճառ:

Առաջին պատճառը պատերազմի նկատմամբ վեհերոտությունն ու վախկոտությունն է, որն առաջին անգամ չէ, որ ցուցաբերվում է, և երկրորդն արտաքին տերերի նկատմամբ վերցրած կուլիսային պարտականություններն են:

«Սահմանային դիրքերն ինքը և իր ներկայացրած իշխանությունը պատրաստ են զիջելու, որպեսզի պահեն իրենց ներքին դիրքերը»,- ասաց ԱՍԱԼԱ-ի մարտիկ, «Նոր Հայաստան» շարժման մասնակից Ալեք Ենիգոմշյանը:

Իսկ Սերժ Սարգսյանի առաջ քաշած «կյա՞նք, թե՞ հողեր» դիլեման Ենիգոմշյանն անվանում է պարտվողական, որին, սակայն, հասարակությունը չտրվեց, և դրա լավագույն ապացույցն այդ հողերը պաշտպանող հերոսացած զինվորներն են. «Միգուցե դա էր Սերժ Սարգսյանի սպասումը, հույսը, որ զինվորը չպաշտպանի այդ հողը, և մենք ավելի մեծ հողեր կորցնենք, ու ինքն ասի՝ ինչ կարող եմ անել ես, եթե զինվորը չպաշտպանեց, բայց զինվորը պաշտպանեց»

Միացեք մեր ֆեյսբուքյան էջին և հետևեք ամենաուշագրավ նյութերին


Կիսվիր ընկերներիդ հետ

Կայքում տեղ գտած մտքերն ու տեսակետները հեղինակի սեփականությունն են և ոչ միշտ են համընկնում ՀԻՆԳ.am-ի խմբագրության տեսակետների հետ:
loading...