Շփման գծում իրավիճակը հիմա ավելի լարված է, քան անցյալ շաբաթ. հակառակորդին տրվելու են պատասխաններ. ՊԲ հրամանատար

0

Ներկա պահին շփման գծում իրավիճակն ավելի լարված է, քան անցյալ շաբաթ, «ՊանԱրմենիան Մեդիա Գրուպ»-ի ու «Յուքոմ»-ի օժանդակությամբ տեխնիկապես վերազինված ՊԲ տեղեկատվական կենտրոնի բացմանը լրագրողների հետ զրույցում ասաց Արցախի Պաշտպանության բանակի հրամանատար Լևոն Մնացականյանը:

«Ներկա պահին իրավիճակն ավելի լարված է, քան անցյալ շաբաթ: Ինչպես հայտնի է, շփման գծում վերջին երեք դեպքերը տեղի են ունեցել Արդբեջանի գործողությունների հետևանքով: Դրանք անպատասխան չեն մնա: Հակառակորդի սանձազերծած ցանկացած գործողության Պաշտպանության բանակի կողմից պատասխանները միշտ տրվում են համաչափ»,- ասաց Լևոն Մնացականյանը:

Լրագրողների ճշտող հարցին` կոնկրետ վերջին օրերի գործողություններինտրվե՞լ են պատասխաններ, ՊԲ հրամանատարը պատասխանեց` «դեռևս ոչ»:

«Մենք առաջնորդվում ենք խնդրի խաղաղ կարգավորմամբ: Այսօր և վաղը ես հանդիպելու եմ ու իրավիճակին ծանոթացնելու եմ ԵԱՀԿ ներկայացուցիչներին»,- ասել է ՊԲ հրամանատարը ևս մեկ անգամ ընդգծելով` Ստեփանակերտը հավատարիմ է մնում խնդրի խաղաղ կարգավորման դիրքորոշմանը, սակայն հակառակորդի սադրանքներին տրվելու են պատասխաններ:



Загрузка...

Hing.am is Stephen Fry proof thanks to caching by WP Super Cache