Լրահոս

Թուրքմենստանը Ալիեւին շանտաժի կենթարկի Հայաստանով

 

Թուրքմենստանի նախագահ Ղուրբանղուլի Բերդիմուհամեդովն այսօր մեկնել է Բաքու, որտեղ, ըստ փորձագետների, կփորձի Իլհամ Ալիեւի հետ պայմանավորվել գազի տրանզիտի շուրջ:
Մի քանի տարի առաջ Թուրքմենստանը խզել է պայմանագիրը ռուսական Գազպրոմի հետ, որն էժան գազ էր գնում Աշխաբադից եւ թանկ վաճառում Եվրոպային: Թուրքմենստանը պայմանագրեր ունի Չինաստանի հետ, սակայն դեռ չի կարողանում ճանապարհ գտնել դեպի Եվրոպա:
Թուրքմենական գազը կարող է Եվրոպա հասնել Ադրբեջանով, եթե Կասպից ծովի հատակով հաջողվի գազամուղ անցկացնել: Ռուսաստանն ու Իրանը, սակայն, դեմ են, եւ այդ պայմաններում հայտնի չէ, թե Ադրբեջանը կկարողանա՞ առանց Թուրքմենստանի լցնել Տրանսադրիատիկ գազամուղը, որը պետք է Վրաստանով ու Թուրքիայով հասնի Եվրոպա:
Թուրքմենստանը կարող է գազն Ադրբեջան հասցնել նաեւ Իրանով: Իրանը, ըստ երեւույթին, հրաժարվում է ապահովել տարանցիկ փոխադրումը դեպի Ադրբեջան: Ավելին, Իրանը, ըստ ամենայնի, առաջարկում է թուրքմենական գազը փոխադրել Հայաստանով: Այս մասին մասնավորապես Թեհրանում զրուցել են Իրանի եւ Հայաստանի նախագահները:
Հանդիպմանը, պաշտոնական հաղորդագրության համաձայն, խոսվել է միջազգային տրանսպորտային և տարանցիկ ուղիների օգտագործման կարեւորության մասին: Կարեւորվել է նաև գազի և էներգետիկայի ոլորտներում եռակողմ` Իրան-Հայաստան-Թուրքմենստան ձեւաչափով համագործակցության զարգացումը:
Ի՞նչի մասին են զրուցելու Բերդիմուհամեդովն ու Ալիեւը: Նա կզգուշացնի՞, որ եթե Ալիեւը չհամաձայնվի Աշխաբադի պայմաններին, Թուրքմենստանը կարող է առարկայական բանակցություններ սկսել Թեհրանի եւ Երեւանի հետ:
Հայաստանը պատրա՞ստ է թուրքմենական գազը Վրաստանով Եվրոպա տեղափոխել: Դրա համար հարկ կլինի կամ նոր խողովակաշար կառուցել, կամ էլ պայմանավորվել Գազպրոմի հետ: Թուրքմենստանը կարո՞ղ է ներդրում անել Հայաստանում նոր խողովակաշարի կառուցման մեջ:

Մանրամասն սկզբնաղբյուրում՝

lragir.am

Միացեք մեր ֆեյսբուքյան էջին և հետևեք ամենաուշագրավ նյութերին


Կիսվիր ընկերներիդ հետ

Կայքում տեղ գտած մտքերն ու տեսակետները հեղինակի սեփականությունն են և ոչ միշտ են համընկնում ՀԻՆԳ.am-ի խմբագրության տեսակետների հետ:

Загрузка...

Հրապարակող՝

armhing

armhing