Լրահոս

Որքա՞ն գումար է ծախսել «Մուլտի գրուպ» կոնցեռնի ղեկավար Սեդրակ Առուստամյանը դստերը մանդատով ապահովելու համար

 

«Իրավունք»-ն այսօր Ծառուկյան դաշինքի նորընտիր պատգամավոր Նորա Առուստամյանից հետաքրքրվեց` հաստատո՞ւմ, թե՞ հերքում է այն տեղեկությունները, թե Գագիկ Ծառուկյանի մտերիմ ընկեր,  «Մուլտի գրուպ» կոնցեռնի ղեկավար Սեդրակ Առուստամյանը կես միլիոն դոլար է ծախսել  դստերը մանդատով ապահովելու համար: Թե կուսակցության, թե պատգամավորների ծախսած գումարների մասին ամբողջ  տեղեկատվությունը մամուլն ունի: «Հեքիաթից դուրս եկած, ինքնածին թվերի մասին եկեք չխոսենք»,- ասաց պատգամավորը:

Մյուս  հարցին` նրա ԱԺ գալով արդյոք չի նշանակում, որ ընտրողների ամենաշատ քվեն ստացած  պատգամավորները չեն ներկայացնում նրանց շահերն ԱԺ-ում, Նորա Առուստամյանի խոսքով` ԿԸՀ-ի կայքը բաց է բոլորի համար, որտեղ բոլորը կարող են տեսնել, թե ինչքան ձայն է հավաքել  ինքը: «Ինքնաբացարկի դիմումների, Ծառուկյան դաշինքի ղեկավարի ու խմբակցության որոշման հիման վրա ստացել  եմ ինձ հասանելիք մանդատը»,- ասաց Ծառուկյան դաշինքի պատգամավորը:
Հիշեցրինք` նախկին պատգամավոր Խաչիկ Մանուկյանը, որը Նորա Առուստամյանի պես  իր թեկնածությունն էր առաջադրել Արագածոտնի մարզում,  ըստ տեղեկությունների,  ինքնակամ վայր չի դրել իր մանդատը: Նորա Առուստամյանը հորդորեց իրեն չվերաբերող հարցեր չտալ:
Տեղեկացնենք, որ գործարարներ Խաչիկ Մանուկյանի, Հարություն Ղարագյոզյանի եւ Արտյոմ Ծառուկյանի մանդատը վայր դնելուց հետո Նորա Առուստամյանը,  Գեւորգ Պետրոսյանը եւ Հակոբ Նազարյանը հայտնվեցին ԱԺ-ում:
Մանրամասն սկզբնաղբյուրում՝

nt.am

Միացեք մեր ֆեյսբուքյան էջին և հետևեք ամենաուշագրավ նյութերին


Կիսվիր ընկերներիդ հետ

Կայքում տեղ գտած մտքերն ու տեսակետները հեղինակի սեփականությունն են և ոչ միշտ են համընկնում ՀԻՆԳ.am-ի խմբագրության տեսակետների հետ:

loading...

Հրապարակող՝

armhing

armhing