Լրահոս

Երևանում աշակերտների վիճաբանության և դանակահարության պատճառը եղել է աղջիկը

 

d7e72e90e61db310c4f3f2da07c385b4

yelaket.am-ը գրում է .ՀՀ քննչական կոմիտեի Երևան քաղաքի Աջափնյակ և Դավթաշեն վարչական շրջանների քննչական բաժնում քննվող քրեական գործով պարզվել է մայիսի 16-ին դպրոցի մոտ 12-րդ դասարանի աշակերտների վիճաբանության պատճառը, որի ժամանակ նրանցից մեկին պատճառվել է ծանր մարմնական վնաս: Ըստ Քննչական կոմիտեի լրատվական ծառայության՝ 2016 թվականի մայիսի 16-ին՝ ժամը 16:03-ին, «Աստղիկ» բժշկական կենտրոնից ահազանգ է ստացվել այն մասին, որ «կրծքավանդակի ձախ կեսի ծակած-կտրած թափանցող վերք, ողնաշարի գոտկային հատվածի ծակած-կտրած չթափանցող և աջ նախաբազկի վերին երրորդականի ծակած-կտրած վերքեր» ախտորոշմամբ իրենց մոտ է տեղափոխվել Երևան քաղաքի 17-ամյա մի բնակիչ: Դեպքի առթիվ Երևան քաղաքի Աջափնյակ և Դավթաշեն վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 112-րդ հոդվածի 1-ին մասի հատկանիշներով: Ձեռնարկված անհետաձգելի քննչական գործողությունների արդյունքում պարզվել է, որ տուժածին մարմնական վնասվածքը պատճառվել է դպրոցի մոտ տեղի ունեցած վիճաբանության ժամանակ։ Նախնական տվյալներով՝ նույն դպրոցի 12-րդ դասարանի 2 աշակերտներ իրենց ընկերների հետ միասին առանձնացել են դպրոցի հետևամասի հատվածում՝ զրուցելու մի աղջկա վերաբերյալ։ Երկու դեռահասների զրույցը վերաճել է լեզվակռվի, ապա՝ ծեծկռտուքի, որի ժամանակ նրանցից մեկն իր մոտ գտնվող դանակով հարվածներ է հասցրել մյուսին։ Կասկածյալը ձերբակալվել է։ Քրեական գործով էական նշանակություն ունեցող հանգամանքները պարզելու համար նշանակվել են դատաբժշկական և դատակենսաբանական փորձաքննություններ։ Քրեական գործի նախաքննությունը շարունակվում է:


Կիսվիր ընկերներիդ հետ


Загрузка...

Հեղինակի մասին

armhing

armhing